পাকিস্তানত প্ৰৱেশ কৰি জেইএমৰ ঘাটিত আক্ৰমণ ভাৰতীয় বায়ু সেনাৰ
দৈনিক বাতৰি

পাকিস্তানত প্ৰৱেশ কৰি জেইএমৰ ঘাটিত আক্ৰমণ ভাৰতীয় বায়ু সেনাৰ

জিপ্লাছ নিউজডেস্ক | February 26, 2019 10:27 hrs

গুৱাহাটী - পুলৱামা আক্ৰমণৰ ১১ দিন পিছত মঙলবাৰে পুৱতি নিশা প্ৰায় ৩.৩০ বজাত ভাৰতীয় সেনাই পাক অধিকৃত কাশ্মীৰৰ মুজফৰাবাদ, বালাকোট আৰু চোকেটীৰ সন্ত্ৰাসবাদী ঘাটিত আক্ৰমণ চলায়। পুৱতি নিশা বায়ু সেনাই ১২ খন মিৰাজ-২০০০ যুদ্ধ বিমানেৰে আদমপুৰ এয়াৰবেজৰ পৰা পৰা যাত্ৰা কৰি সন্ত্ৰাসবাদীৰ ঘাটিত আক্ৰমণ চলাই সন্ত্ৰাসবাদীৰ ঘাটি ধ্বংস কৰে। মুঠ ১০০০ কেজি ওজনৰ বোমা নিক্ষেপ কৰি সেনাই এল অ’ চি অতিক্ৰম কৰি জইছ-ই-মহম্মদৰ নিয়ন্ত্ৰণ কক্ষ ‘আলফা-৩’ আৰু লাঞ্চ পেড ধ্বংস কৰি পুলাৱামা আক্ৰমণৰ উচিত প্ৰত্যুত্তৰ দিয়ে।

মঙলবাৰৰ ভাৰতীয় সেনাৰ এই অভিযান সন্দৰ্ভত বায়ুসেনাপ্ৰধানে প্ৰধানমন্ত্ৰী নৰেন্দ্ৰ মোডীক আৰু প্ৰতিৰক্ষা মন্ত্ৰী নিৰ্মলা সীতাৰমণক অৱগত কৰিব। ইতমধ্যে এই অভিযান সন্দৰ্ভত কেন্দ্ৰীয় গৃহমন্ত্ৰী ৰাজনাথ সিঙে প্ৰধানমন্ত্ৰী নৰেন্দ্ৰ মোডীৰ সৈতে এক আলোচনাত মিলিত হ’ব বুলি জানিব পৰা গৈছে। এই আলোচনাৰ পিছতে বায়ুসেনাৰ অভিযান সন্দৰ্ভত সংবাদ মাধ্যক জনোৱা হ’ব পাৰে।

সু-পৰিকল্পিতভাৱে চলোৱা ভাৰতীয় সেনাৰ এই বৃহৎ অভিযানৰ পিছত পাক সমৰ্থিত সন্ত্ৰাসবাদীয়ে দ্বিতীয়বাৰ ভাৰতীয় জোৱানৰ ওপৰত আক্ৰমণ কৰাৰ পূৰ্বে যে ১০ বাৰ চিন্তা কৰিব লাগিব সেয়া নিশ্চিত। এই অভিযানত সন্ত্ৰাসবাদীৰ লগতে ২ শতাধিক লোক হতাহত হোৱাৰ আশংকা কৰা হৈছে।
ইফালে এক টুইটাৰ পোষ্ট যোগে এই আক্ৰমণৰ কথা স্বীকাৰ কৰিছে পাকিস্তানেও

Banner

ইণ্ডিয়ান মিৰাজ ২০০০ যুদ্ধ বিমান