গুৱাহাটী: ৰাজ্যত পুনৰ এবছৰলৈ অব্যাহত থাকিব ধপাত জাতীয় সামগ্ৰীৰ ওপৰত নিষেধাজ্ঞা ।  ধপাত, নিকোটিনযুক্ত গুটকা, পান মছলা বা যি কোনো ধৰণৰ চুইংগাম সামগ্ৰীৰ উৎপাদন, সঞ্চয়, বিতৰণ বা বিক্ৰীৰ ওপৰত পুনৰ এবছৰলৈ বাহাল থাকিব নিষেধাজ্ঞা ।

স্বাস্থ্য আৰু পৰিয়াল কল্যাণ বিভাগ, অসম চৰকাৰে জাৰি কৰিছে এই নিৰ্দেশনা । ২.৩.৪  খাদ্য সুৰক্ষা আৰু মানদণ্ড (বিক্ৰয় নিষিদ্ধ আৰু সীমাবদ্ধ) নিয়ম, ২০১১ ৰ অধীনত এই সিদ্ধান্ত গ্ৰহণ কৰা হৈছে ।

পোন প্ৰথমবাৰৰ বাবে ২২ নৱেম্বৰ ২০১৯ চনত অসম চৰকাৰে ধপাত জাতীয় সামগ্ৰীৰ ওপৰত নিষেধাজ্ঞা জাৰি কৰিছিল ।  এই বিষয়ে দীৰ্ঘদিন ধৰি দাবী উত্থাপন কৰি আহিছিল কনজিওমাৰ লিগেল প্ৰটেকশ্বন ফ'ৰামে ।

উল্লেখ্যনীয় যে, অসমত সৰ্বাধিক গড়ে ৪৮.২ শতাংশ ধপাত সেৱন কৰা হয় । যিটো ৰাষ্ট্ৰীয় গড় ২৮.৬ শতাংশৰ দুগুণ । ৪১.৭ শতাংশ লোকে ধোঁৱাবিহীন ধপাত সেৱন কৰাৰ বিপৰীতে ১৩.৩ শতাংশ লোকে ধোঁৱাজাতীয় ধপাত সেৱন কৰে ।